Sunday, February 8, 2015

Mizo naupang chu lian lo mah se an lam thiam...

Mizo hmeichhe lam thiam
  • 'Duat lam ila'...'Ka lam thiam lo..' ..'Thing leh lutuk mai'. 'Zan dang pawha lam lova zanin khera i lam le'. 
  • Lam hi Mizo zingah a mikhual lo. Khawvel pum hian a hmelhriatna a rei tawh mai. Xmas lawmna zaikhawmna, biak ina Pathian fakna,...aaa hun pawimawh tam takah hian lam chu a tel. Thlaraumi tehfung pawimawh tak pakhat atan Mizo Kristian-te hian kan hmang. Zaikhawmnaa lam thei lo, kut tak ngial pawh beng hlei thei lo chu 'tisa mi' kan ti mathlawn lo. Sawi sawi lovin han lam mai teh. A huhova lam te, mahni chauha lam te, a vai hian lam a ni vek mai.

Zaithiam tak tak te

Mizo hnam incheina
  • Mizote hi zai ngaina hnam tiin kan sawi thin. A nihna takah chuan hnam tin hi zai tel lovin kan awm thei lo. Lungngaih leh hlim ni-ah rilru hrehawmna chhawk nan emaw hlimna puan chhuah nan zai hi a serh zinga a mei ang a ni a, mi lungngai rilru ruak leh phurna nasa tak neite tan zaithiamte hi an hlu a, kan ngaisang a, Mizo celebrity tam ber hi zaithiam an nih vanga mi hriat hlawh an ni. Zirtir fe pawha a ngaihna awm lo khawpa aw chhia leh a thente phei chu kel be ai pawha ngaihthlak peihawm lo khawpa zai thiam lo a awm theih a. Chutih rualin training leh inkaihhruaina tha pek chuan lar chhuak thei tur khawpa talent nei tha an awm bawk. Puitlin hnua hmalakna neih tan chauh hi kawng hrang hrangah a tlai thei thin a, duhthusam chuan naupan tet lai atanga inzirtirna mumal pek hi zirlaite hmakhua atan thil tangkai tak a ni.

Saturday, February 7, 2015

Hmeltha leh hrisel nih kan tum

Hmeltha tur te, fing leh hrisel ni tur chuan fai a ngai tih kan hria.Mizo kan ni kan hmel a tha, kan tum a sang bawk si. Hmeichhia mipa sawi lovin, a pui a pangin raltiang ram kai turin kan tang fat fat.National Cleanliness Day (30.1.2015)-ah faina puala hnatlang neiin Nuchhungi English Medium School naupang leh zirtirtuten khawlai thenfai ngai lai kan thianfai. Hnatlan nan hian chawhma pumpui kan hmang. Kan thlalak zing ami pakhat chu Clean Mizoram facebook page pro pic-ah an hmang ve hlauh. Kan lawmnain van a tawng e.

Monday, February 2, 2015

NEMS model inti chhelo deuh deuh te thlalak

Mizo models
Mizo girls are hot in traditional dress
Model han tih lemah Model an ang ve reuh em a...an inti chhe lo pawh a ni em em lo, an chhe lo ve hrim hrim a ni kan mitah chuan. Hmasawnain min nang a, kan Mizo culture paih vek khawpa changkang nia inngai pawh Mizo zingah kan tam. Kan culture leh ziarang tel lova tlei thei, Mizo thil aia hnam dang thil ngaisang zawk Mizo hmeichhia leh mipa an chhuah mek lai hian kan Mizo hnam incheina chawi nung zel tur hian a zahpuiawm lohzia inzirtirna hi naupan lai atangin a theihna hmun apiangah neih a tul. School hi engkim inzirtirna hmun tur a nih angin Mizo nun mawi leh tha, tlawmngaihna leh aia upate zah thiamna thlengin zirlaite hnenah zirtir pah reng a pawimawh. Hnam boralna kawng pakhat chu mahni culture thlau thlaa hnam dang tih dan kawng engkima entawn hi a ni. Upat hnu chuan kan rilru put hmang hi siam danglam a harsa tawh thin a, chuvangin tleirawl chhuah chhoh hma ngei hian moral values nghet taka tuh hman a ngai a, chumi kan tlak chham avang chu a ni mahna Mizo hmeichhe zingah hnam dang ngaihsanna leh pasal hiala neih duhna a lian hle tawh a, hnam boral tur zia a ni thei mai ang em tih hi zawhna awm thei tak a ni. Mizo nula hmeltha leh zahpuiawm lo tak tak, hnam dang pasala neia chi chawm taka hnam tidazattute titlem tur hian school tin hian mawhphurhna kan nei ve a, chu chu hriain Nuchhungi English Medium School Hnahthial pawh hian a remchan dan angin Mizo nunze mawi inzirtirna hun hman thin a ni. Mizo mipa zingah hnam dang nula nupuia nei erawh an tlem hle a, Mizo mipate kan that bik vang ai mahin hnam dang nulaten anmahni hnamah baptisma an chan bik vang pawh a ni mahna.

Nuchhungi English Medium School hmeichhe hockey khel thiamte thlalak

Mizo nula khal
Sport hian Mizo-te rilru a luah hneh hle. A ni khawvel hian sport hi a ngaisang. Infiamna hian taksa leh rilru a thunun a, sual lam kawng zawh tur mi tam tak a hruai tha thei. A hmei a pain, a pui a pang hi sport leh a kaihhnawih hian min chim vel reng a, inkhel thiamte chanchin chhiar tur a awm reng bawk. Hnahthial atang pawhin Sport lama mi ngaihsanawm an lo chhuak tawh thin. India ram huapa football star lar Jeje Lalpekhlua pawh Hnahthial khua ngat a ni. Infiamna khel mual nei tha lem lo mah ila, zirlai talent nei tha tak tak te hian school levela tuipuina leh enkawlna tha an dawn chuan infiamna lamah hmasawnna a thlen thei. 'Education chu all round development' a nih avangin sport hi a serh zinga a mei ang a ni a, hmaih theih a ni lo. School routine pangngaia game hun a awm piah lamah tournament leh Zonal Sport vela theihtawp chhuahin Hockey Tournament-ah te tel ve thin a ni. A chunga thlalaka lo langte khi Nuchhungi English Medium School hmeichhe hockey team an ni a, tournament-ah semi-final an lut a, eng emaw rokhawlhna avangin an khel ta lo a ni. A bikin Mizo hmeichhe tan chuan hockey hian future a nei tha a, India rama player tha pawl zingah Mizo hmeichhia an tel ve fo mai. CCE leh sport hi a kal kawp tlat a, school tha chuan enga mah hi a hmaih thiang lo. Mizo hmeichhia leh hockey hi thil inhmeh tak a ni a, sport lam ti thei deuh Mizo nulate chuan hei hi uar leh zual a fuh ngei ang.

A short description of Nuchhungi English Medium School, Hnahthial

Nuchhungi English Medium School is an English Medium School , located in Hnahthial, Lunglei District, Mizoram . It is a Private School . The exact Address of the schools is Peniel Veng,Hnahthial , Lunglei District , Mizoram . PIN- 796571 . It is a renowned private school  Established in 2000 . Total 14 batches completed in this School from past 14 years . Classes running in this School are upto 8 th . And it is Co-educatinal School . In terms of number of students, it has been the biggest school in Hnahthial during the past few years. The school was founded in the year 2000 by K.Lalhunmawia, who since then has been the principal of this comprehensive school consisting of Primary and Middle sections.

Nuchhungi English Medium School (NEMS) Logo

Mizo logo
NEMS Logo