Infiamna sport leh NEMS

Academic record tha neih hi a tha, school-in a tum ber pawh a ni a, sawi loha lum a ni. Chutih ruala hmaih loh tur zingah infiamna kawng hrang hrang football, race, javelin, discus throw, hockey, shot put, volley ball, badminton, Table Tennis, long jump, high jump, etc.-ah te hian Mizo zirlaite tihhmasawn tum zel a pawimawh. Taksa hriselna leh rilru lam than len nan a tangkai. Kum tina thleng thin Zonal Sport-a trophy chawi hi thil awlai a ni lo va, nasa taka inbuatsaihna leh beih fan fanna tel lo phei chuan thil tih theih rual loh a ni. 

Hnahthial Zone-ah hian Hnahthial khawchhunga school hrang hrang, sawrkar school 3 te, private school 5 bakah khaw thenawm Leite, Rotlang East, Tupui ‘D’ leh Denlung khuaa school te an tel. School 12 zinga no mawi chawi thei nih hi thil nuam tak a ni ve a, chool zirlaite mai bakah zirtirtute tan thil lawmawm tak a ni ve thin. Private school zinga no mawi chawi thei awm chhun han nih phei chu a nuam lehzual thin.Tuna zirlai ni mekte mai bakah zir chhuak tawhten sport item thenkhatah level sang tak han thleng tawhte pawh an lo awm tawh a, achievement pakhatah a ngaih loh theih awm loh e.